Сістэма адукацыі павінна хутка рэагаваць на патрэбнасці рынку працы ў інжынерных кадрах. Аб гэтым заявіў журналістам міністр адукацыі Андрэй Іванец па выніках нарады ў БНТУ па пытаннях якасці падрыхтоўкі інжынерных кадраў, што прайшла з удзелам прэм'ер-міністра Беларусі Рамана Галоўчанкі, перадае карэспандэнт БЕЛТА.
"Мы павінны хутка рэагаваць на патрэбнасці рынку працы ў інжынерных кадрах. Бачым пэўны дысбаланс. Па такіх напрамках, як інфармацыйныя тэхналогіі, сёння фактычна ў два разы больш рыхтуем спецыялістаў, чым запатрабавана ў эканоміцы. І гэта ў многім сведчыць пра інертнасць: нам былі неабходны менавіта гэтыя спецыялісты, але мінула літаральна 4-5 гадоў і мы бачым, што кожны інжынер павінен быць фактычна ІТ-спецыялістам, але па сваім прыкладным напрамку. А па такіх напрамках, як прамысловасць, сельская гаспадарка, лясная гаспадарка, у 1,5-2 разы менш спецыялістаў рыхтуем, чым запатрабавана гэтымі галінамі", - сказаў Андрэй Іванец.
Паводле яго слоў, у сувязі з гэтым неабходна вельмі сур'ёзная работа сумесна з Міністэрствам эканомікі, Міністэрствам працы і сацыяльнай абароны, каб перспектыўны прагноз па кадрах на 4-5 гадоў быў дастаткова дакладным і адпавядаў патрэбнасцям эканомікі на перыяд выпуску спецыялістаў з універсітэтаў.
Для падрыхтоўкі інжынерных кадраў неабходна і матэрыяльна-тэхнічная база. Як расказаў міністр, у бягучым годзе завяршаецца стварэнне двух цэнтраў кампетэнцый на базе Беларускага дзяржаўнага ўніверсітэта інфарматыкі і радыёэлектронікі па падрыхтоўцы кадраў для мікраэлектронікі, радыёфізікі і інфармацыйных тэхналогій. Завяршаецца і стварэнне цэнтра кампетэнцый у Брэсцкім дзяржаўным тэхнічным універсітэце па аўтаматызаваных робататэхнічных комплексах. "У наступным навучальным годзе ў нас намечаны планы па стварэнні трох цэнтраў кампетэнцый: па лічбавым машынабудаванні на базе Беларускага нацыянальнага тэхнічнага ўніверсітэта, па новых матэрыялах на базе Гомельскага дзяржаўнага тэхнічнага ўніверсітэта, для харчовай індустрыі на базе Беларускага дзяржаўнага ўніверсітэта харчовых і хімічных тэхналогій. Стварэнне такіх цэнтраў кампетэнцый - гэта не што іншае, як сімбіёз адукацыі, навукі і інавацый. У адным месцы мы зможам не толькі якасна рыхтаваць будучых інжынераў, але і выконваць навуковыя даследаванні ў рамках падрыхтоўкі магістарскіх, кандыдацкіх, доктарскіх дысертацый. А самае галоўнае - мы зможам апрабаваць тэхналогіі ў якасці доследных, доследна-прамысловых узораў для далейшага ўкаранення ў рэальны сектар эканомікі", - падзяліўся планамі Андрэй Іванец.-0-
"Мы павінны хутка рэагаваць на патрэбнасці рынку працы ў інжынерных кадрах. Бачым пэўны дысбаланс. Па такіх напрамках, як інфармацыйныя тэхналогіі, сёння фактычна ў два разы больш рыхтуем спецыялістаў, чым запатрабавана ў эканоміцы. І гэта ў многім сведчыць пра інертнасць: нам былі неабходны менавіта гэтыя спецыялісты, але мінула літаральна 4-5 гадоў і мы бачым, што кожны інжынер павінен быць фактычна ІТ-спецыялістам, але па сваім прыкладным напрамку. А па такіх напрамках, як прамысловасць, сельская гаспадарка, лясная гаспадарка, у 1,5-2 разы менш спецыялістаў рыхтуем, чым запатрабавана гэтымі галінамі", - сказаў Андрэй Іванец.
Паводле яго слоў, у сувязі з гэтым неабходна вельмі сур'ёзная работа сумесна з Міністэрствам эканомікі, Міністэрствам працы і сацыяльнай абароны, каб перспектыўны прагноз па кадрах на 4-5 гадоў быў дастаткова дакладным і адпавядаў патрэбнасцям эканомікі на перыяд выпуску спецыялістаў з універсітэтаў.
Для падрыхтоўкі інжынерных кадраў неабходна і матэрыяльна-тэхнічная база. Як расказаў міністр, у бягучым годзе завяршаецца стварэнне двух цэнтраў кампетэнцый на базе Беларускага дзяржаўнага ўніверсітэта інфарматыкі і радыёэлектронікі па падрыхтоўцы кадраў для мікраэлектронікі, радыёфізікі і інфармацыйных тэхналогій. Завяршаецца і стварэнне цэнтра кампетэнцый у Брэсцкім дзяржаўным тэхнічным універсітэце па аўтаматызаваных робататэхнічных комплексах. "У наступным навучальным годзе ў нас намечаны планы па стварэнні трох цэнтраў кампетэнцый: па лічбавым машынабудаванні на базе Беларускага нацыянальнага тэхнічнага ўніверсітэта, па новых матэрыялах на базе Гомельскага дзяржаўнага тэхнічнага ўніверсітэта, для харчовай індустрыі на базе Беларускага дзяржаўнага ўніверсітэта харчовых і хімічных тэхналогій. Стварэнне такіх цэнтраў кампетэнцый - гэта не што іншае, як сімбіёз адукацыі, навукі і інавацый. У адным месцы мы зможам не толькі якасна рыхтаваць будучых інжынераў, але і выконваць навуковыя даследаванні ў рамках падрыхтоўкі магістарскіх, кандыдацкіх, доктарскіх дысертацый. А самае галоўнае - мы зможам апрабаваць тэхналогіі ў якасці доследных, доследна-прамысловых узораў для далейшага ўкаранення ў рэальны сектар эканомікі", - падзяліўся планамі Андрэй Іванец.-0-
