17 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Нарвегіі з нацыянальным святам - Днём Канстытуцыі. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што Беларусь і Нарвегія на працягу доўгага часу эфектыўна развівалі гуманітарнае і гандлёва-эканамічнае ўзаемадзеянне, у тым ліку ў сферы машынабудавання, харчовай прамысловасці, навукі, спорту.
"Нас аб'ядноўваюць клопат пра сваіх грамадзян, імкненне да міру і стварэння, суіснаванне ў згодзе з суседзямі, - звярнуў увагу Прэзідэнт. - Упэўнены, што аднаўленне двухбаковага дыялогу, заснаванага на такім фундаменце, адпавядае інтарэсам насельніцтва абедзвюх дзяржаў, у першую чаргу зацікаўленасці ва ўмацаванні стабільнасці ў рэгіёне. Нашы дзверы заўсёды будуць адчынены для нарвежскіх сяброў".
Аляксандр Лукашэнка пажадаў жыхарам Нарвегіі міру, шчасця і далейшых поспехаў.-0-
