Штогод у мэтах падтрымкi развiцця беларускай мастацкай лiтаратуры i
творчасцi пiсьменнiкаў Рэспублiкi Беларусь, стымулявання стварэння iмi
новых высокамастацкiх твораў у галiне паэзii, прозы, драматургii,
публiцыстыкi, лiтаратурнай крытыкi i лiтаратуразнаўства для дарослых,
дзяцей i юнацтва, папулярызацыi кнiгi i чытання ў грамадстве праводзіцца
Рэспублiканскі конкурс “Нацыянальная лiтаратурная прэмiя”.
Арганiзатарамi конкурсу з'яўляюцца Мiнiстэрства iнфармацыi,
Мiнiстэрства культуры, Мiнiстэрства адукацыi i грамадскае аб'яднанне
“Саюз пiсьменнiкаў Беларусi”.
Конкурс праводзіцца па наступных намінацыях:
“Лепшы твор (зборнік твораў) паэзіі”
“Лепшы твор прозы”
“Лепшы твор драматургіі”
“Лепшы твор публіцыстыкі”
“Лепшы твор літаратурнай крытыкі і літаратуразнаўства”
“Лепшы твор для дзяцей і юнацтва”
“Лепшы дэбют”.
Згодна з пунктам 12 Палажэння аб парадку правядзення
Рэспубліканскага конкурсу “Нацыянальная літаратурная прэмія”, заяўкi на
ўдзел у конкурсе прымаюцца Мiнiстэрствам iнфармацыi да 1 красавіка года,
у якiм праводзiцца конкурс, ад фiзiчных асоб – аўтараў твораў або iх
афiцыйных прадстаўнiкоў, а таксама ад творчых саюзаў, выдавецкiх
арганiзацый, рэдакцый СМI, арганiзацый культуры, устаноў адукацыi i
навуковых арганiзацый, якiя ажыццяўляюць дзейнасць у галiне мастацкай
лiтаратуры i лiтаратуразнаўства.
Урачыстая цырымонія ўзнагароджання пераможцаў конкурсу
праводзiцца ў рамках Дня беларускага пiсьменства.
